林樂勤承諾展現100%實力

「我覺得之前幾年踢職業，表現出嚟嘅嘢只係得一半，其實仲有好多嘢可以畀大家睇到。」年僅22歲的林樂勤曾效力香港飛馬、夢想FC、富力R&F及冠忠南區等多支球隊，惟表現未算突出，他承諾今季會更加努力。

對於能夠加盟晉峰，Jordan表示相當開心，他續指自己擁有較多超聯經驗，在球隊或會扮演半個「老大哥」角色：「自己落到場可能會淡定啲，所以有時練波都會出多啲聲，唔係話因為自己好波啲，而係相對地有更多經驗，同埋見到班細我2、3年嘅隊友，都會教吓佢哋點做。」

Jordan能出任多個位置，惟他坦言主教練艾斯達維上周才歸隊，需要時間建立關係，暫未知在球隊會擔任甚麼角色：「練波時通常會擺我踢左閘，但我之前都有同佢講自己最鍾意踢前面啲位，惟有練波發揮好啲，等佢知道我係一個點嘅球員。」