加盟班霸查理史葛重新適應

昨日「藍鳥」球員要在32度高溫下操練，出名怕熱的查理史葛亦操到汗流浹背：「大家都知我以往有提過香港天氣問題，經歷一季訓練同比賽後，總算適應咗，上季季尾自己表現明顯更好，來季我會變得更強，當然最好天氣可以凍啲。」

傑志作為港超聯爭標分子，目標與前東家「快活谷」有明顯差別，這位曼聯青訓出身的中場亦意識當中差別：「愉園踢法比較保守，傑志喺比賽中踢得更具統治性，對我嚟講係全新嘅環境。」

至於現年20歲的潘沛軒，過去曾為仁濟醫院董之英紀念中學「傑志計劃」的畢業生，他直言兒時已幻想過有朝一日升上「藍鳥」一隊：「冇諗過咁早可以入到傑志（一隊），好多謝朱Sir（朱志光）畀機會我。」他承認陣中好手如雲，競爭肯定更激烈，會盡努力爭取出場機會。