謝家強正式入籍騷護照

上季加盟傑志的香港愛爾蘭混血中堅謝家強（Sean），一直積極申領特區護照，近日Sean就在個人社交網中，上載剛剛到手的特區護照照片，意味已正式入籍香港，有望為香港隊再增添一名猛將。

「我嚟香港已經就快9年，期間因為喺廣州住過一排，加上疫情關係，令申請過程比預期長，但一切都係值得。」期待已久的特區護照終於到手，Sean表示當下感覺非凡。過去作為「準入籍兵」，Sean申請特區護照的情況一直備受關注，而這位現年29歲傑志守將，承認為香港出戰，是自己決定申請特區護照的原因之一：「呢樣係一件好期待嘅事，我相信嗰一刻嚟到嘅時候，父母、爺爺、嫲嫲同我自己都會為此感到自豪。」