李靜勉勵乒乓場上勇者勝　港乒女團4強放膽攻

首場雙打港隊派出李皓晴夥拍蘇慧音應戰，二人與羅馬尼亞組合杜迪恩/沙馬拉打得緊湊，雙方鬥到決勝局最後階段，港隊因錯失兩個match point才以局數2比3僅敗。第2場單打由杜凱琹上陣，以直落3局擊敗絲素斯，第3場李皓晴乘勢以局數3比0擊退沙馬拉，反超前場數2比1。之後「阿杜」再次上陣先贏11比3、11比2，第3局雖一度落後，幸尾段連救3個match point，以14比12險勝，為港隊鎖定勝局。

雖然先失一場，惟李皓晴及蘇慧音合作表現其實相當出色，李皓晴指出：「我哋已經搏晒出嚟同盡晒力，雖然最後都係領先再輸番，不過成功將全隊個士氣打上嚟，後面就好好多。」至於蘇慧音（Minnie）亦同意「師姐」講法：「我覺得今日場雙打打得好，因為打之前都同自己講場波會好難打，但輸一場波唔緊要，一定唔可以輸咗啖氣，每一場都要盡我所能去打。」兩度上陣的杜凱琹則表示，團體賽前已做好所有準備，加上自己一直專注在單打上，因此未有受首局雙打落敗所影響。「阿杜」更盛讚兩位隊友的發揮，希望今日4強對日本可以打得更好。

至於教練李靜承認今仗實力非常接近，獲勝機會僅屬「50/50」，但港隊發揮及運氣更佳，加上心態比對方優勝，最終打出精彩一仗。他更大讚主將杜凱琹，認為她無論單打、混雙抑或團體賽皆做足本分。作為2004年雅典奧運男雙乒乓球銀牌得主，李靜希望球員在場上更放膽進攻：「除咗心態同運氣之外，最主要改吓個膽囉，要夠膽出手去擊球。其實今場領先後都有好多球可以殺落去得分，不過女仔有時係咁o架啦，見到幸福要夠膽攞先得，因為乒乓場上都係勇者勝！」

香港隊傳來捷報後，政務司司長李家超亦向球隊發出恭賀，讚賞她們信念堅強及愈戰愈勇，最後得以反勝。