東網直播《邨JUMP！》金盃賽激戰連場安定猛牛瀝源飛俠終極火併

《邨JUMP！》金盃賽冠軍戰今日於修頓室內場館一觸即發，由屯門安定猛牛硬撼沙田瀝源飛俠。兩支球隊皆以金盃賽小組首名晉級，4強兩回合計亦同樣大勝而回，實力及狀態絕對毋庸置疑，雙方今屆賽事首次交手，為爭奪冠軍勢必引發一場龍爭虎鬥。（on.cc東網、睇體 ontv Sports、凝動香港體育基金facebook周六下午2時30分直播）李浚湣、鄧曉欣報道

安定猛牛實力強勁，今季只曾1敗，除了得分王兼隊長鄭偉鏗壓陣外，副隊長畢鈞皓直言球隊實力相當平均：「我哋優勢係平均身高較佳，全部正選球員身高最矮都有1米8，個人能力亦唔錯，用好短嘅時間就已經夾到，非常團結。」年僅17歲的畢鈞皓居住於粉嶺，外號「大廚」的他表示剛加盟這支屯門球隊時並不太適應，起初狀態亦不算太好，幸好經過隊長不斷鼓勵，與隊友已培養出一定默契，有信心以正選控球後衞帶領球隊奪冠。

猛牛高佬陣誓保爭勝心

至於教練李旭川則笑言能夠闖入決賽屬意料之外，他認為球隊板櫈深度充足，最重要反而是調整心態：「球員技術冇問題，有8、9個都叫做打得下，正選球員甚至都有打大賽嘅經驗，但佢哋成日都諗住高人一線，因此發揮唔到100%，爭勝心保持唔到。」來到賽事最後一仗，「阿川」希望球員能夠好好享受比賽氣氛，以及珍惜和隊友一起作賽的機會。

瀝源飛俠季前熱身賽兩戰全敗，幸好球隊於小組賽及時調整，最終能夠殺入決賽。隊長羅琛朗認為陣中球員具備個人能力及默契，惟防守籃板方面需要更加專注：「教練成日提我哋卡位，頭嗰幾球通常都做到，但之後就會開始懶散，防守放鬆咗，係咁畀人攻入嚟，之後就算對方炒咗，我哋都係搶唔到籃板。」至於教練彭逸匡（Angus）則坦言球隊內、外線不算突出，加上陣中又沒有明星球員，必須更搏命並以拚勁彌補，相對會較注重團隊合作。

飛俠登「聖殿」最緊要開心

對於代表沙田這個成長之地進軍修頓，「阿朗」表示相當開心及激動：「等咗呢個機會好耐，仲要入去打全場，修頓始終係香港一個好大嘅籃球主場，對我嚟講意義重大，可能成世人只係得一次機會，好驚自己表現未如理想。」在修頓比賽經驗不多的Angus亦勉勵球員要好好珍惜今次機會：「我都同球員講，你哋呢個年紀，好多人都未必打到，贏梗係想，但都希望個個有得落場感受氣氛，打波最緊要開心啫！」