1比1賽和泰港唔失禮　傑志爭出線要睇終極戰

「藍鳥」傑志首循環以2比0擊敗FC泰港，今仗派出相同陣容面對主隊，左閘丹尼解禁擔正，與朴俊炯、艾里奧和羅拔圖築起防線，「黑山伊巴」丹恩奴域繼續任正箭頭，與基爾頓、安永佳等鋒將分擔進攻責任。

FC泰港比賽初段稍佔先機，13分鐘巴功罰球操刀射穿人牆，保羅飛盡近柱欲救無從，泰港領先1比0。但5分鐘後，安永佳接應基爾頓角球批頂遠柱，收死門將屈查拉入網，為「藍鳥」扳成平手之餘，更攻入其「亞冠盃」處子球。

傑志追平後站穩陣腳，22分鐘羅拔圖傳中，安永佳再次展示頂上功夫，可惜今次攻門斜出。4分鐘後，朴俊炯射門「撳死」被守衞擋出，羅拔圖後上補射亦告高出。「藍鳥」攻勢雖多，但上半場不至再失亦有賴幸運之神眷顧，32分鐘巴功開出罰球，大衞洛查拉近門篤入，惟旁證示意另一球員越位，判入球無效。然而傑志半場前卻收到噩耗，連同香港隊賽事，早前連續8仗踢足90分鐘的中堅艾里奧拉傷退下火線，由唐建文入替，雙方半場各一言和。

換邊後6分鐘，丹恩奴域接應羅梓駿傳中將皮球送入網窩，惟傑志今次與上半場的泰港面臨同一命運，旁證判決「羅梓」越位，「藍鳥」慘食詐胡。急需全取3分以保持出線希望的主隊，其後「撳掣」換入左翼波迪法拉，73分鐘此子遠距離自由球施射，保羅橫身撲走。傑志及後亦調入艾力士和鞠盈智搶攻，惟最終未能找到致勝球下，僅與對手踢成1比1完場。

上半場後備入替的唐建文賽後坦言球隊表現毫不失禮，至少已創下香港球會歷史，並在最後一仗仍然有機會爭出線：「今場係可惜嘅，但唔放棄仍然有機會，未到最後一刻都唔知會發生乜嘢事，我希望香港球迷會支持傑志。」