梅萊慘敗出局暗示退役

34歲的梅萊以4比6、2比6及2比6直落三盤不敵加拿大新星沙普華洛夫，32強止步，賽後他難掩失望之情：「過去3個月付出好多，投放咗好多精力練習，最終都係唔可以按照自己嘅方式比賽，除非你好鍾意訓練，知道可以提升比賽水準，知道可以繼續打一系列嘅比賽，但如果唔得，依家你所做嘅嘢值得咩？」

梅萊更暗示要慎重考慮未來動向：「除非我同團隊能夠搵到一個方式，令我嘅表現保持穩定，能夠喺呢度有競爭力，否則就要探討下一步點做，因為我真係好努力花咗好多精力，但做唔到自己想要嘅嘢，我想講唔係因為我輸咗畀沙普華洛夫，佢非常出色，但我覺得自己應該可以做得更好。」

至於世界1哥祖高域就繼續闖關，僅花兩小時16分鐘，便以直落三盤6比4、6比3及7比6（7）擊敗外圍賽出線的美國球手古達，生涯第13次躋身男單16強，這也是祖高域在溫網取得的第17場連勝。