理文傑志拍跳谷狀態

傑志今場有射手丹恩奴域擔正，巴爾拿、基爾頓和何振廷坐鎮中場，至於理文亦派出基華尼頓、金承龍及李康廉組成「進攻三叉戟」。雙方休息超過兩周時間，因此雙方都需要提升狀態，全場唯一入球出現於上半場，基華尼頓把握傑志後場傳球失誤，單刀殺入禁區射近柱得手。

雖然傑志總監兼總教練朱志光正隨港隊遠征巴林，但副足球總監「細榮」梁志榮透露，「朱Sir」一直密切留意傑志的情況，這場友賽亦有向「朱Sir」轉播，預計未來幾日「朱Sir」將會決定出戰「亞冠盃」的最終球員名單。至於理文主教練陳曉明亦滿意球員表現：「球員狀態還算理想，唔會話因為冇比賽兩三個禮拜就踢得慢，同埋幾位之前有傷嘅球員，康復都有進展。」「亞協盃」J組賽事即將舉行，理文下周末將入住酒店接受「氣泡隔離」。林卓臻報道