昔日東方港隊無緣晉級陳晉一：唔會Hea踢
正於巴林出戰世盃外圍賽亞洲區C組賽事的香港足球代表隊，目前以5分排在小組第4位，篤定無緣進身第三輪賽事。但上仗擔正的兩位小將孫銘謙及陳晉一（圖），均表示不會因此「Hea踢」，餘下兩仗繼續望搶分成功。
上仗對伊朗正選踢足的翼鋒孫銘謙表示，親身體驗到與亞洲強隊的差距：「自己差唔多樣樣嘢都要改進，首先要適應比賽節奏同速度，防守方面都要硬淨啲！」至於首次替「大港腳」正選披甲的陳晉一，承認初次上陣感到壓力，加上對手伊朗屬亞洲頂級勁旅，令自己相當緊張，希望餘下兩仗能有所改善。
「孫銘」：繼續以取分做目標
港隊原本仍有機會以「最佳次名」躋身世盃外第三輪賽事，惟伊拉克今輪全取3分後，港隊希望已告幻滅。「孫銘」坦言失望：「賽前都知機會好渺茫，但都想搏盡每一個可能，去爭取更好嘅成績，依家正式出局梗係失望。」「一仔」強調球隊不會因此而「Hea踢」或放棄：「始終着起港隊波衫嘅機會真係好難得，我哋做球員會好好珍惜。」
港隊經過一輪輪空後，周五將硬撼伊拉克，「孫銘」認為有足夠時間吸收教練部署以及戰術要求，會繼續以取分做目標。而「一仔」則稱上仗過後，球隊進攻可望更加放膽，同時期望自己能盡快成長。李浚湣報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
