哨牙蘇化噓聲為動力

上季於英超對曼聯涉及種族歧視對方左閘艾拉，蘇亞雷斯被罰停賽之餘，仲受到利物浦以外嘅fans唾棄，對上兩場奧運賽事，呢位烏拉圭前鋒一掂波就畀球迷噓爆，相反當他受到對手侵犯時，卻惹來全場掌聲雷動，認真諷刺。

對於上述的「特別照顧」，加上今晚要對住主隊英國，預計對蘇亞雷斯的噓聲分貝更高。不過，「哨牙蘇」坦言自己已識得面對這些柴台聲，唔會對此太在意，仲好寸咁話：「我認為球迷應該將焦點放在比賽上，而唔係一些已過去的事，我只會着緊利物浦同烏拉圭球迷。」擺明唔放英國隊球迷在眼內，全力為國家爭勝。