貨Van逾百刮痕尋「兇手」天眼指證車主隻狗

【本報訊】一名網民前日在社交平台發貼文，指其停泊在天水圍天恒邨停車場3樓的客貨車，發現司機位沙板及車門疑遭人蓄意刮花，遺下百多條刮痕，事主稱已報案求助，並找到同層車主提供「車Cam」片助查。

惟半小時後，謎底終於解開，貼主上載相片指：「多謝大家熱心提供線索，已搵到真兇」，相中見在一露天車場，有一隻狗在客貨車司機位旁徘徊，似是在「磨爪」，另一相片則見一名男子撫摸兩隻白色小狗；貼主留言稱「（隻狗）自己㗎。」，並笑指「已經決定餓佢一日，最緊要唔係人為，因為我諗極都唔明我幾時有得罪過人」。有網民回應貼主「見佢咁可愛就原諒佢啦」、「冇仇報」、「畀着我條氣會順番晒」。

曾懷疑遭人惡意毀壞

事件不排除貼主早前將客貨車停在一露天車場，其愛犬「行兇」後，疑因現場燈光昏暗，貼主未有即時發現「傷痕」，將車泊返天恒邨停車場，其後才發現車身傷痕纍纍，故懷疑遭人惡意毀壞，惟經追查後把真相還原。