笑看天下：勝在冇乜黑材料畀人爆

美國總統大選已剩下20日左右，究竟係賀錦麗抑或特朗普勝出大選，好快將揭曉！去到呢一刻，兩人使出渾身解數，老朽上投注網站PredictIt睇吓賭盤數據，最新選舉賭盤顯示，特朗普的勝率領先賀錦麗約4個百分點；在9月初，賀錦麗勝出率一直較高。而《華爾街日報》調查了7個將決定大選結果的搖擺州，最新民調顯示賀錦麗在其中4個州領先，特朗普則在3個州領先。據悉，特朗普在處理經濟、邊境議題、俄烏戰爭和以哈戰事上佔有優勢，而在健保和墮胎議題上，則落後於賀錦麗。