笑看天下：打仗靠實力非靠嘴炮

一元復始，戰亂中迎新歲！俄烏戰事膠着一段日子，惟近日俄烏又彼此加劇互攻。俄羅斯上周五使用過百件武器攻擊烏克蘭全國多地，呢場被指係俄方自開戰以來最大規模嘅空襲，造成烏方至少39人死亡，亦係當地平民遇難人數最多嘅一次戰時襲擊。而俄方上周六譴責烏克蘭對俄羅斯西部城市別爾哥羅德市發動無差別襲擊，造成至少24人死亡，其中包括兩名兒童，逾110人受傷；此次係俄烏戰事爆發近兩年以來，俄羅斯本土傷亡最嚴重嘅襲擊，俄方批評烏方所為係恐怖襲擊，揚言會報復。俄烏戰事臨近歲末先至升級「大反攻」，果然戰局難料。