笑看天下：同和平兩字有仇

美國以脫離現實為由行使否決權，令草案無法通過。美國常駐聯合國副代表伍德表示，無法理解起草者拒絕加入「譴責哈馬斯對以色列發動恐怖襲擊」嘅內容，又提到美方支持實現持久和平，但哈馬斯不希望持久和平及實現「兩國方案」為由，認為立即停火只為下一場戰爭埋下種子。同伍德一個鼻孔出氣嘅以色列常駐聯合國代表埃爾德安就話，只有哈馬斯被消滅，中東地區才穩定，並認為呼籲停火代表原諒哈馬斯嘅暴行，質疑為何哈馬斯嘅邪惡行徑冇受到問責。

另一方面，巴勒斯坦常駐聯合國觀察員曼蘇爾批評，以色列圍困及轟炸巴人屬於種族清洗，非為尋求安全，形容數百萬名巴人嘅性命岌岌可危。古特雷斯重申毫無保留地譴責哈馬斯對以色列嘅野蠻襲擊，但佢強調這絕對不能夠成為對巴人實施集體懲罰嘅理由，以色列必須遵守國際人道法保護平民。中國常駐聯合國代表張軍表示，對於草案無法通過，佢形容這讓世人再次看到甚麼是雙重標準，佢不點名批評美國一邊縱容戰事延續，一邊把保護人權及婦孺掛在嘴邊、又主動防止衝突外溢，都係自欺欺人及極其虛偽。

今次係美國第三次否決以哈停火嘅決議案；以哈戰爭已導致逾萬人死亡，美國仍續向以國出售坦克炮彈等武器。要言之，美國根本同「和平」兩字有仇！