笑看天下：做好本分 好事自來

日韓早前一面倒向美國，如今眼見中國喺國際舞台成為焦點，中國嘅國際地位喺以巴衝突尤其彰顯，一來固然是中國目前係聯合國安理會輪值主席國，更令人看到中國嘅底氣，中東各國如沙特阿拉伯、伊朗等尋求協助化解以巴衝突和矛盾，尤其尋求長久停戰嘅「兩國方案」，頭號對象係中國，早前阿拉伯和伊斯蘭國家嘅外交部組團四出外訪，首站赫然就係中國而不是美國，豈偶然哉？

王毅近排確實忙得不可開交；日本外務大臣上川陽子趁中日韓外長會議爭住要見佢，佢將要求中方取消限制進口日本水產品嘅措施，亦會提出取消中國在兩國有主權爭議嘅釣魚島周邊海域設置浮標，以及早日釋放在華被拘嘅日本人。

日方要求多多，《中日和平友好條約》締結近半世紀，日本卻一味傾向美國，做美國幫兇，喺南海主權、台海問題衍生枝節，根本與中日友好關係背道而馳！如今眼見美國內外交困，做美國忠狗，恐怕冇乜着數。老美喺國際舞台嘅影響力已然冇中國咁光芒四射，轉移「視線」投向中國，亦毫不令人驚訝，畢竟，國與國之間沒有永遠嘅敵人和朋友，政客覺得對己有利嘅就係朋友，問題係依家你有求於人，咪咁心急開門見山就想攞着數，應反躬自省，喺台灣問題是否切實恪守一個中國原則，喺南海問題是否不應該做「小鬼」同菲律賓眉來眼去等，日本只要做好本分成為中國睦鄰，好事自然來！