政情：網紅拍片振興家鄉 吳傑莊：可參詳

吳傑莊所遇見嘅網紅叫「潘姥姥」，佢係透過拍攝短視頻，憑創意方式分享鄉村風景同美食，從而帶動家鄉曝光同經濟收益。吳傑莊認為對方嘅做法值得參考，畢竟香港近年亦提倡銀髮經濟，宜借鑑內地利用互聯網成功轉化為經濟收入嘅案例，推動相關產業喺華語市場發展。

至於香港最近發展嘅Web3.0，吳傑莊指當中嘅區塊鏈技術，創作者可通過去中心化模式，將絕大部分嘅創作轉化成自己嘅收入。但佢又補充話，無論係銀髮市場與互聯網嘅結合，還是Web3.0嘅發展，都需要將技術同日常生活，與實體經濟相結合，方可通過科技推進社會發展。