政情：廚餘機少人用 陸頌雄憶派膠桶

話說陸頌雄過去服務嘅天恆邨，亦裝設一部廚餘機，當局起初向附近居民派發收集廚餘嘅膠桶，而街坊都好踴躍使用。但後來派膠桶嘅措施取消咗，廚餘機就少咗人用喇。後來佢詢問當局，對方就解釋取消派膠桶嘅原因係關乎成本問題喎。之但係佢覺得政府既然希望一項政策有成效，就唔應該執着喺呢啲地方度。