政情：商中醫門診資助 陸瀚民牽扯床蝨為禍

原來陸瀚民係關注韓國嘅床蝨問題，佢發言時指出本港正面對一個醫療衞生風險，事關香港同韓國往來頻繁，而彼邦嘅床蝨已經各處為患。為免對醫療體系構成沉重負擔，佢詢問當局有何預警嘅措施，畢竟西醫同中醫，皆注重「預防勝於治療」同「治未病」咁話。可能佢嘅關注點始終都係由衞生角度出發，梁君彥冇話佢離題，只係「有距離」啫，跟住就問政府代表有冇簡單嘅回覆。

其實唔止陸瀚民，議員江玉歡都十分關注香港如何防範床蝨入境，前日就透過社交平台徵詢網民意見，有網民話木蝨、床蝨早已在香港生活咗幾十年，從未斷過，而搞好清潔嘅地方就比較少咁話。