政情：未吸教訓 輪到陳沛良叫主席做主人

正如日本經典動漫對白「人類總要重複同樣的錯誤」，尋日陳沛良就檢討公共財政政策嘅議員議案而發表意見，本來都就嚟講完啦，但當佢嘅陳詞去到尾聲，竟然口快快咁叫咗立法會主席梁君彥做「主人」。

不過，包括梁君彥在內嘅在席議員，似乎聽到都冇咩反應，如果梁好似上次內會主席咁忍唔住笑出嚟，情況都會幾尷尬。

但其實梁都有前科，曾將議員簡慧敏誤稱為周慧敏，可能大家都有機會鬧笑話。梁感同身受先至冇反應啫。