昔日東方政情：未吸教訓 輪到陳沛良叫主席做主人
喺莊嚴嘅議事堂內，議員發言不時都出現口誤。繼議員梁美芬、洪雯喺早前先後錯將「主席」稱為「主人」，隔咗一排同樣嘅「蝦碌」事件就輪到議員陳沛良！
梁美芬洪雯都曾講錯
正如日本經典動漫對白「人類總要重複同樣的錯誤」，尋日陳沛良就檢討公共財政政策嘅議員議案而發表意見，本來都就嚟講完啦，但當佢嘅陳詞去到尾聲，竟然口快快咁叫咗立法會主席梁君彥做「主人」。
不過，包括梁君彥在內嘅在席議員，似乎聽到都冇咩反應，如果梁好似上次內會主席咁忍唔住笑出嚟，情況都會幾尷尬。
但其實梁都有前科，曾將議員簡慧敏誤稱為周慧敏，可能大家都有機會鬧笑話。梁感同身受先至冇反應啫。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
