政情：赴晚宴聞香水 謝偉銓有興趣

原來此LSD非彼LSD，出席嘅晚宴係香港測量師學會轄下嘅土地測量組舉行嘅，即係Land Surveying Division，所以縮寫係LSD，至於「索嘢」，當然都唔係索迷幻藥，而係索吓唔同香水嘅味道。

本身係測量師嘅Tony，同時作為建築、測量及都市規劃界功能界別議員，佢都好勤力出席多個業界活動，好似擔任環保建築大獎嘅評審同出席頒獎典禮，仲有出席「青年測量師與房屋局局長對談」活動，Tony話同場嘅房屋局局長何永賢同屬建測規園業界，所以何永賢唔單止關注覓地建屋，亦好關心業內年輕人嘅發展咁話。