政情：考察佛山營運 陳紹雄期待發展氫能

佛山呢條有軌電車線路長約6.6公里，設10個車站、一座車輛基地同埋一個加氫站，最高速度為70公里每小時，載客量達380人。陳話試搭咗呢條線路，感覺同傳統嘅電氣化列車差唔多，但重點係唔需要任何架空供電設施，只係要路面有兩條路軌，類似港島嘅電車冇咗架空電纜咁，行走好暢順。

港鐵計劃喺現有嘅屯門輕鐵網絡試用呢款氫燃料有軌電池列車，以非載客形式為期6個月試驗，主要係收集營運數據。陳紹雄都話好期待項目盡快投入運作，而且唔止呢個計劃，其他好似雙層巴士、建築工地臨時供電、製氫、加氫站等嘅項目都要陸續投入試驗，要為香港打造「產、學、研、用」嘅一條龍氫能產業咁話。