政情：陳健波口述自傳 回首人生各階段

波哥話自述分為上下編，上編係講述佢嘅幼年至青少年階段，故事係由佢出生嘅黃大仙講起，跟住就介紹媽媽俠骨同豪氣、以及愛國嘅爸爸，之後就講到佢由小學升中學嘅故事，以及喺銀行任職31年，如何由一個普通職員晉升為銀行助理總經理，繼而擔任德國慕尼黑再保險公司香港分公司嘅第一位華人總裁。當然，仲會包括佢喺立法會期間好多不為人知嘅事情，亦會分享佢嘅家庭生活，同埋教育子女嘅睇法。

至於下編，波哥話主要分享一啲大家可能有興趣嘅事情同想法，例如長達40年嘅打坐經歷同體會、對紫微斗數嘅認識、物業管理之道、佢同杞子嘅緣分，以及對宗教嘅睇法等等。佢話按照粉絲們喺社交專頁嘅追蹤年資、留言讚好同轉發嘅頻率、整體提出嘅有效建議等，選擇咗一批獲免費贈送自述嘅幸運兒，然而礙於財力有限，只能送出500本，希望大家見諒。