政情：照顧者有苦難言 李世榮促護理業改善

李世榮喺社交平台貼文，話就算輪候到院舍，唔代表照顧者嘅重擔得以完全卸下，事關仍需不時將殘障人士接回家度假。畢竟照顧服務人手緊絀嘅現象極待解決，佢認為長遠而言，不單止要維持輸入內地護理員嘅特別計劃，亦要改善護理員嘅就業前景，並考慮善用社會上有志加入護理業界嘅「照顧者」，藉此吸引更多人才投身護理行業。

至於監管院舍嘅工作，李世榮話不能鬆懈，要加強對院舍環境衞生同人手情況嘅巡查，確保院友能夠獲得適切嘅照顧。另一方面，需要持續檢討照顧者熱線嘅成效，以給予照顧者及時嘅身心支援。