昔日東方政情：上海登破冰船 馬逢國償願
喺今年8月，議員馬逢國同家人去咗挪威嘅北極圈地區，造訪中國北極黃河站。然而同一時間，內地一支北冰洋科考隊所乘坐嘅「雪龍2」破冰船，亦進入北極海區域開展科學考察任務，當時佢礙於行程關係而無緣登上該艘破冰船，但皇天不負有心人，最終佢都可以上船大開眼界，而登船嘅地點就係上海。
了解極地科研工作
馬逢國喺社交平台貼文，話兩艘破冰船「雪龍號」同「雪龍2」嘅下一項任務係前往南極考察，而兩艘船啟程前一日，佢就喺朋友嘅安排下上船參觀，進一步了解破冰船喺極地環境科研方面嘅工作。
事後佢話呢兩艘船各有不同嘅任務，「雪龍號」主要用作後勤支援同運送物資，而「雪龍2」則主要負責科研同數據分析嘅工作。參觀破冰船之後，馬逢國又到訪中國極地研究中心，同上海南北極地考察後勤保障中心，了解佢哋喺極地科研嘅工作。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
