政情：鄧家彪：油塘灣似蒙地卡羅 搞遊艇會諗得過

作為海港城市，香港有唔少海濱地帶。立法會尋日討論增添觀塘海濱活力事宜，鄧家彪指油塘灣同蒙地卡羅相似，跟住就以兩個地方嘅鳥瞰圖做對比，話「喺個地圖都睇到，原來香港油塘灣個地形呢，同摩納哥蒙地卡羅港，真係幾相似嘅。」只不過前者「依家好醜怪，有好多涉嫌違法問題」，佢話好多聲音建議，不如索性將油塘灣發展成遊艇會。佢又關注當局有冇計劃喺觀塘海濱長期舉辦夜間市集，以及引入水上食肆或仿古海鮮舫，並活化鄰近尚未發展嘅海濱地帶。