昔日東方政情：唱歌悟人生進步關鍵 麥潤培：要不斷改變
沙田區議會主席麥潤培出咗名中意唱歌，仲多次參加歌唱比賽，一度有意向娛樂界發展，依家仲教唱歌添！唔單止咁，仲分享埋點樣面對人生。
麥潤培日前喺社交平台貼文，話依家逢星期四晚要教唱歌，仲有所頓悟咁話唱歌如人生，就係要不斷改變，就算一直以嚟認為啱嘅事，原來都有改變得更好嘅空間。
學員歌藝變好 有目共睹
其實呢個係由一個社工做唱歌導師搞出嚟「以唱歌影響生命」嘅義工訓練活動，麥潤培亦有分享，話其中一個義工一直都話唱歌冇進步，事實上係嗰名義工冇發現到，已經學到點樣做一個小組領袖，點樣運用佢嘅個人魅力，人際交往，成為成個小組嘅一隻領頭羊。
麥潤培話雖則個義工睇唔到呢啲變化，但其他人全部睇到，無論歌藝同領導才能，都係有目共睹嘅進步同已展現咗出嚟。佢仲話教唱歌雖然好攰，但值得。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
