政情：鄭泳舜打劍擊 首賽奪季軍佳績

Vincent喺社交平台貼文話，尋日嘅比賽有超過300多名選手分開唔同組別參與，非常熱血，又話睇到好多年輕人為佢哋嘅劍擊運動追尋夢想而奮鬥，亦替佢哋緊張同高興。

人生首次劍擊比賽嘅成績係點？Vincent話因為參加一啲較年長嘅組別，人數相對唔多，所以佢攞到一個小小嘅第3名，仲自嘲對佢呢啲中年人都係一種鼓勵喎。

政府推廣運動普及化，但場地就嚴重不足。Vincent話喺比賽期間切身感受到劍擊運動依家真係好多人玩，但由於場地不足，所以喺學校比賽嘅場地亦有少少安全風險，佢希望施政報告提出嘅劍擊館能夠盡快落成，令劍擊同其他有潛質嘅運動項目可以繼續健康發展。