政情：鈕扣店結業 江玉歡專程道別

捱過3年疫情嘅慘淡經營，江玉歡話估唔到「復常」之後生意更難做，零售業尤其艱苦。店東就慨嘆話近年消費氣氛改變，好多愛好手作嘅市民已放棄喺香港搜購材料，改為北上向廠商直接入貨，而有關做法並不限於港人，連外國人亦樂於往內地採購。江玉歡擔心呢種現象，反映香港作為中間點嘅角色受到挑戰。

市道不景、舖租高昂，江玉歡指區內小本經營嘅老字號，買少見少。雖則話社區面貌難免因時代巨輪而有所變遷，但多元傳統兼人情味濃厚嘅深水埗地區文化，值得想辦法予以保留。