昔日東方政情：內會「擠擁」 成立小組委會排長龍
現時立法會內務委員會轄下有10個小組委員會正在運作中，輪候名單亦有6個，而早前嘅內會會議上，議員針對唔同議題提出再成立4個委員會，包括殘疾人士支援、JPEX騙案等。尋日內會主席喺會議上提出，建議用成立委員會以外嘅方法跟進有關議題，又呼籲運作中嘅小組委員會濃縮工作，快啲結束，等條隊唔使排得咁長喇！
內會主席引述當局，指該4個研究小組均需跨部門合作，為咗讓討論更加聚焦，建議議員與不同政策局溝通、釐定工作範疇，若議員認為有迫切性嘅議題，可採取唔同形式討論，例如召開特別會議、或立法會質詢等。
籲濃縮工作 騰出時間
另外，內會主席話，任何一個運作中嘅小組委員會完成工作，輪候中嘅小組委員會就可以頂上，隨即展開工作，希望各位議員思考各自小組委員會能否濃縮工作，盡快結束，騰出時間畀正在輪候中嘅小組委員會，又直言唔一定要用足一年時間研究政策，冀立法會資源能更有效運用咁話。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
