政情：數碼定數字 莫乃光嘲政府幼稚

尋日係Charles嘅牛一，佢喺社交平台貼文話「生日先至施政報告，唔通個天都想同我贈慶（興）？」

呢份施政報告喺立法會讀咗超過3個鐘，真係頭都暈埋，但係Charles都搵到「亮點」。佢話最創新係以「數字」，包括數字政府、數字政策專員等代替「數碼」，但係健康紀錄又用番「數碼」，一份文件唔統一，唔係咁好喎。佢仲話遲早「數碼港」，要改名「數字港」，仲話原來海口、上海、昆明等地，都有數字港，有伴，跟唔跟先？

Charles話一直以嚟，香港叫「數碼」、台灣叫「數位」，大陸就叫「數字」，各有各風格，各自各風采。佢個人認為「數碼」叫起上嚟比較有質感，「數位」就較貼切喺於Binary二進制，讀起嚟亦都較為優雅，但「數字」就想起Number，有啲涵蓋太廣嘅感覺，仲話其實好簡單，但頗Naive（幼稚）。