昔日東方政情：提咗328次「發展」 成為新報告關鍵
新一屆政府任內嘅第二份施政報告，究竟乜嘢最令人有深刻印象？有心水清嘅人就數出呢份施政報告講得最多嘅關鍵字係「發展」，較上一份施政報告多近50%，但「環保」只係得兩次，冇寸進。
環保僅兩次 與去年一樣
邊個咁心水清？係環團「環保觸覺 」呀！睇到「環保」嘅數字低。之不過，提及「保育」嘅次數只有4次，都係少過上一份嘅5次，難怪會失望嘅。
佢哋計過數，施政報告提到嘅關鍵字「發展」總共有328次，相比上一份嘅221次多咗107次，比率多48.4%。提及「土地」就有38次，比上一份嘅50次少咗12次，「房屋」就有65次，只係少上一份一次啫！
至於「綠色」就突飛猛進，足足有成27次，對比上一份嘅8次，多咗兩倍幾；新能源就更加犀利，雖則只有8次，但較上一份嘅兩次多出3倍。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
