政情：每周睇4本 梁熙做立會蛀書蟲

然而一講到閱讀口味，梁熙就幫自己「兜」番啦。既要應付議會工作，又要兼顧地區事務嘅梁熙，每個禮拜起碼睇4本「書」原來都係雜誌嚟嘅。不過佢就算係睇一啲比較嚴肅嘅作品，梁熙都談不上政界「蛀書蟲」，因為教育局前局長吳克儉曾講過自己每個月都會睇30本書，當中包括雜誌、刊物，仲話由大學畢業起就養成閱讀習慣，並已固化為生活嘅一部分，所以一個月睇30本係「濕濕碎」。一個月睇30本，除翻開每個禮拜大概睇7本左右，點計都係較梁熙要多。

一向被視為「小鮮肉」嘅梁熙又分享做地區服務心得，佢話依家做議員除咗要「鮮」，更重要係要有「肌肉」，因為要幫獨居老人家搬傢俬、打風時幫手清理雜物。