政情：Fb驚現冒牌專頁 陳克勤籲防騙

其實只要心水清，就會發覺冒牌嘅專頁係用簡體字，同港人一向習慣使用繁體字有明顯區別。陳克勤喺社交平台貼文，指該專頁嘅圖片同資料雖然係來自佢嘅專頁，不過就同佢本人無任何聯繫。作為保安事務委員會主席嘅陳克勤，慨嘆盜用相片唔算違法，畢竟本地現行法例並無肖像權，除非利用他人資料從事違法行為，執法部門方可予以起訴。佢認為咁樣對公眾人物、投資者都冇太大嘅保障。

盜用他人身份以構築投資騙局，情況並不罕見，然而正因為法例上未有針對肖像權嘅措施，陳克勤認為社交平台喺處理涉及投資有關嘅廣告，更須負起責任做好核實工作。