政情：同印度朋友過節 葉劉聞歌起舞

葉劉喺社交平台貼文，指九夜節（Navratas），係印度其中一個傳統重要節日，而日前佢就應印度朋友邀請，拜訪位於跑馬地黃泥涌道嘅印度廟（Hindu Temple），以及皇后大道東同司徒拔道交界嘅錫克廟（Sikh Temple）。

佢話呢兩座廟宇歷史悠久，廟內亦有好多佢嘅好朋友。大家相聚之餘，老朋友向佢介紹呢個傳統節日嘅宗教儀式，仲邀請佢參與慶祝活動，跟住仲拉住佢一齊大跳印度傳統舞蹈，雖然佢係第一次參與，但喺輕快音樂同喜悅氣氛下，佢亦隨住拍子起舞。