政情：懶理輻射歎壽司 鍾國斌大快朵頤

Felix喺社交平台分享，話自己喺銀座，都冇理到啲壽司有冇輻射，話無論有事定冇事都「即食」 ，大嘆「好味」。有人留言認同佢嘅睇法，話「早食早享受」，又話「Omakase（廚師發辦）隨便食」咁話。

不過，一向反對日本排放核污水嘅議員吳秋北相隔一個鐘，亦喺社交平台貼文話據日本廣播協會消息，東京電力公司公布，本月5日開始嘅福島第一核電站核污染水第二輪排海已經喺當地時間昨日中午完成，本輪核污染水排放總量為7,810噸。睇嚟就算鍾國斌唔驚，好多人都驚輻射啦！

講開又講，Felix卸任議員之後周不時都去大學講課，最近多咗個新銜頭，就係香港城市大學嘅公共和國際事務學系客座教授嘞！