政情：還押生活唔好過 何俊仁瘦咗又老咗

該黨中委吳永輝尋日喺社交平台貼文，話日前去咗探望何俊仁，話何維持減磅後嘅身形，身體還好，有啲小敏感，而心情還可以，仲話已經適應咗嘞！至於雙方傾嘅話題，吳永輝話都好廣泛，又引述何俊仁提及獄中生活，話夏天嘅時候太熱，辛苦好多，又話何俊仁叫大家睇開啲，多讀書，考啲謀生嘅牌照，搵某教授傾吓咁講。

實際上，何俊仁喺舊年8月獲高院批准保釋，條件包括唔可以繼續危害國安，但係今年2月佢被指干擾證人，對象疑與民主派「35+」初選案有關，因而被捕，更因涉違反顛覆案嘅保釋條件，被法庭決定撤銷佢嘅保釋，下令佢須還押候審。