政情：舊酒廠改建夜市 簡慧敏北上消遣

Carmen行嘅夜市唔係普通嘅一條街。Carmen話前日晚去咗珠江琶醍體驗廣州嘅夜經濟，一到埗就睇到「琶醍」嘅英文「Party pier」大招牌！ 雖然係周日晚上，佢形容當時人流仍然暢旺。

睇Carmen上載嘅相，見到嗰度係搞緊啤酒節，裏面有舖頭，同時亦擺咗好多攤檔。佢就話聽講嗰度之前係珠江啤酒廠嘅舊廠址，內地當局將廠房改造成一個旺丁旺財嘅消遣地。

話時話，香港搞夜經濟就喺海濱擺設小攤，Carmen會唔會向政府建議參考下內地嘅做法，搵一啲有特色嘅地方去發展夜市呢？