政情：陳穎欣赴文化跑 打卡點賀中泰建交

之前都有議員特登飛去外地跑馬拉松，議員陳穎欣日前就去咗泰國參加大城府舉辦嘅文化跑。佢喺社交平台話同幾名港青尋日朝早4點半已經喺會場熱身，而呢次文化跑係大城府繼疫情之後首個大型活動，結合體育同文化，吸引超個2,000個來自世界各地嘅跑手。

講明係文化跑，所以佢話沿途見到好多文化古蹟同特色景點，而其中一個打卡點更加唔可以錯過。點解？事關喺4.8公里嘅打卡點係紀念泰國同中國建交48周年，佢話相當有心思。

雖然旅程相當緊湊，但佢話都抽到啲時間了解當地文化，但因為要返港做地區工作，所以佢冇隨團去印尼雅加達交流嘞！