政情：遇兩體壇偶像 鄭泳舜即刻影相

作為中國男子田徑100米紀錄保持者，蘇炳添不但係頂尖運動員，兼且係內地某大學體育學院教授。佢提到前年東京奧運會100米準決賽，跑出9秒83刷新亞洲紀錄後心情激動，事關佢喺2019年經歷受傷，2020年整個賽季因疫情而停止比賽，加上內地過去並無人跑出10秒以內嘅成績，好多技巧要靠自己摸索。雖然去年比賽成績唔係咁理想，不過自己即使已年屆34歲仍會繼續堅持，希望明年可出戰巴黎奧運會咁話。

鄭泳舜指「蘇神」每一次喺賽場上不斷超越自己，永不言棄嘅拚搏精神，令人由衷敬佩，期待佢之後喺田徑場上再創輝煌，挑戰自己。另一方面，鄭泳舜話林衍聰獲得十大傑青，實在戥佢高興，畢竟對方係自己嘅佩劍教練。