政情：發展北都 具體位置當區人唔知道

陳月明最近就喺打鼓嶺一帶，同當地村民講北都會發展規劃嘅活動，兼進行問卷調查，佢發現作為主要持份者嘅村民，好多人連北都嘅位置都唔知道。佢認為隨住新田科技城推出，新田嘅村民會對生活環境嘅轉變，同埋族群延續嘅安排上，將會有唔同嘅聲音以及意見，加上政府推北都嘅時候都強調要城鄉共融，所以佢認為政府有必要喺鄉郊推展宣傳工作。

陳月明仲覺得可以針對元朗同北區嘅地區做宣傳工作，特別係喺鄉郊做宣傳，喺嗰度聽取居民意見，並同居民就政策作出解釋，咁樣就可以了解到北部都會區嘅落實情況。