政情：途經休憩處 馬軼超助街坊擒鼠

馬軼超喺社交平台貼文，話經過康寧道休憩處時，聽聞有街坊大叫有老鼠呀！究竟老鼠喺邊度？原來喺花槽附近。馬軼超見狀，即刻攞起掃帚同垃圾剷，將老鼠掃入垃圾剷，再用掃帚夾實，跟住通知食物環境衞生署嚟處理。佢話上次捉蟲今次捉鼠，促請改善區內環境衞生。

佢口中嘅捉蟲，唔係講笑，係真有其事。話說今年3月中，佢落公園練跑，當時又係有街坊向佢求助，話見到好大條蜈蚣，位置鄰近兒童遊樂場，擔心對市民或小童構成危害，於是佢就出手，為民除害。然而，佢就要付出犧牲一隻鞋嘅代價。