政情：包餃子活動 高官議員手勢大不同

聚埋一大班人包餃子，係北方人慶祝節日嘅普遍做法。喺北京出生嘅孫東，洪雯形容佢包餃子「很厲害」、手勢專業，兼且對廚藝相當有自信。來自貴州嘅洪雯就話餃子餡料，分別有酸菜豬肉、韭菜雞蛋，佢話自己唔擅長「檊面皮」，不過包餃子還是可以嘅。尚海龍就話外國留學生當晚都有過嚟包餃子，怪唔之得洪雯話各地手法唔一樣，以致當日包出嚟嘅餃子「千奇百怪」啦。

其實喺包餃子以外，當晚仲有唱歌、猜燈謎環節，洪雯話自己唔擅長猜燈謎，但好彩冇抽到佢上台，否則就太尷尬咁話。