昔日東方政情：酒樓菜式守舊 田北辰慨嘆搖頭
正所謂見微知著，到底「香港夜繽紛」成效如何，可能一餐飯就反映其大概。議員田北辰（田二少）前日夜晚幫襯元朗某酒樓食晚飯，發覺餐牌同菜式簡直廿年如一日、服務水準令人搖頭，佢話啲商戶真係要諗吓改革，否則仲點同人競爭？
「唔知以為入咗時光機」
話說田二少同所屬團體嘅同事，前日喺元朗做地區工作、擺街站。去到華燈初上，田二少就打算慰勞一眾同事，於是移步往附近一間酒樓食晚飯。可惜呢餐飯並非愉快嘅體驗，佢話睇番啲餐牌同菜式好似同20年前一樣，「唔知以為入咗時光機」，對比佢最近去深圳食嘢，人家啲餐牌每個月都會轉一次，唔會次次都一樣。田二少話6點半開始食，坐到8點半，酒樓都走咗成三分之二人，而佢餐飯食到尾聲，殊不知要生果，冇生果；要糖水，冇糖水！
田二少好慨嘆咁話，唔怪得知每逢假期咁多人上深圳消費啦，又話呢個夜繽紛似乎都好難捱落去，咁搞法啲商戶係咪真係要諗諗計，點樣改革同改變呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
