昔日東方政情：仰望獅山憶當年 林順潮籲同心打逆戰
山不在高，貴乎象徵意義。議員林順潮同楊永杰，日前到黃大仙某酒樓出席長者茶敍。當活動完結，林順潮準備返回中環辦公室，當佢離開酒樓抬頭一望，見獅子山近在咫尺，不禁頓生感嘆。
林順潮喺社交平台貼文，坦言香港正面臨諸多困難與挑戰，不論中美貿易戰、美國聯儲局連續加息、剛剛完結嘅新冠疫情、有待復甦嘅內地經濟，都對本港經濟、股市同樓市帶來巨大衝擊。佢回憶自己成長嘅年代，經濟環境欠佳，大多數市民都係草根階層，而自己都係徙置區長大，但憑藉獅子山下嘅精神，全港市民團結一心，努力拚搏，最終共同創造香港嘅經濟繁榮。
話發揚獅子山下精神
佢又認為，此時嘅港人更加需要發揚香港嘅獅子山下精神，指今次亞運賽事，香港健兒毫不畏懼，多次以弱勝強，逆轉取勝，取得佳績。講起亞運，目前喺杭州舉行嘅體壇盛事已接近尾聲，同樣係象徵獅子山精神、以獅子造型嘅港隊吉祥物「堅仔」，而今安在哉？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
