政情：交匯處提示播不停 聲效不清惹劣評

其實新城市廣場一期嘅巴士總站，各條巴士路線嘅柱位都有裝設揚聲器。衛慶祥話有關做法，原意係喺緊急情況下發放重要訊息，方便乘客同市民。至於巴士總站出、入口處嘅揚聲器，播放內容主要係提醒途人「使用行人過路處，請注意安全」，並會亮燈加強效果。佢話出發點雖然係好，但弊在每日不停咁廣播，聲音又唔清晰，加埋出入車輛嘅聲浪，令難聽嘅廣播變得吵耳，予人噪音嘅感覺。

衛慶祥話揚聲器嘅廣播已惹嚟市民嘅反感，而喺3星期前嘅沙田區議會交通及運輸委員會會議上，佢已向運輸署代表反映市民嘅不滿，究竟政府部門會點樣處理，惟有拭目以待。