政情：陳穎欣遇排球女星 速索簽名留影

陳穎欣一直都鍾意不同嘅球類運動，而佢呢次見嘅係球星。佢喺社交平台話尤其喜歡睇中國女排，而前晚喺北京出席一個活動，竟然可以同國家隊女排運動員見面，佢坦言自己化身「小粉絲」，仲同運動員講經常觀賽力撐中國女排。

唔單止近距離接觸，佢仲成功攞到運動員嘅親筆簽名，可惜無排球在手。咁點算？機會錯過咗，唔知有冇下次，佢即刻就攞卡片出嚟，索取幾個簽名。

喺活動中仲發生咗一段小插曲，佢發現平時出名用左手打排球嘅丁霞，簽名時竟然係用右手，於是好奇問丁霞 :「你不是左撇子？」喺旁邊嘅龔翔宇對佢講：「你真的有看球喎！」原來丁霞球技超卓，左右手都無難度，而袁心玥仲預告明年會嚟香港比賽，仲邀請佢到場觀賽添！佢形容開心到瞓唔着，激動嘅心情久久未能平復。