昔日東方政情：B仔中秋亮相 同林琳餅印一樣
趁住尋日係中秋節，議員林琳晨咁早就騷個幸福樣畀大家睇。乜嘢樣？咪就係佢同BB「波波」嘅母子合照，祝大家月圓人團圓，見到波波張開小嘴伸少少脷仔出嚟，笑得好甜，有網友好肉緊咁話「呢個餅印勁！真係想咬佢一啖！」
波波依家3個幾月大。林琳話波波依家仲未食得固體食物，下年等佢大個啲就可以一齊食月餅啦！
網友搞錯係B女
最搞笑嘅係有網友竟然搞錯波波係女仔。有網友話「妹妹似Daddy，中秋節快樂，BB快高長大，身體健康」，跟住另一個網友即刻澄清「嗰個係囝囝才對」。嗰位網友搞錯男女，唔知係咪受到「餅印」呢句話嘅影響呢？
林琳嘅預產期本來喺7月，但「波波」搶閘喺6月初，即係8個半月就出世。林琳曾經話老公覺得「波波」嘅額頭、下巴同眼似媽媽，眉毛同個嘴似爸爸，仲問大家覺得波波似佢定似佢老公多啲呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
