政情：江玉歡金鐘執業 與立會距離緊貼

Doreen喺一年前加入港鐵做法律總經理，佢喺社交平台貼文，話當日選擇跳出舒適圈，加入港鐵，嘗試換個角度看香港，結果一年過後，證明選擇係正確。

佢話過去一年頻繁往返金鐘同九龍灣，雖然行程滿到幾無私人時間，但確實收穫甚豐，不僅彌補咗內部工作嘅空白，亦令佢認識呢間公司嘅企業文化，而通過同呢班同事嘅合作，佢對房地產行業、城建發展同交通運輸等方面嘅法律認識更深刻，而佢離開後仍會持續關注港鐵。

之後唔使再日日來回金鐘同九龍灣，事關Doreen加盟嘅律師行喺金鐘海富中心。議員任期仲有兩年，佢話未來將全副身心駐紮喺金鐘，往來工作地點同立法會之間嘅路上時間將被大大縮減，事關行條天橋就到。