政情：突然接火炬 麥美娟面懵懵

話說成立典禮接近尾聲嘅時候有一個儀式，主辦方攞咗個頂端有塊黃色布嘅圓柱體「火炬」出嚟，傳遞畀各小區嘅關愛隊成員，寓意活動正式啟動。但可能個「火炬」造型太獨特，麥美娟喺主辦方手上接過嘅時候似乎唔知係「火炬」，一臉疑惑咁呆咗一、兩秒，即使拎喺手上都唔知道要點樣處理，直到主辦方講話係「火炬」，佢先識得作出傳遞嘅反應，場面一度尷尬。

講番灣仔關愛服務及發展基金，原來佢哋嘅籌款能力都有番咁上下，都籌到逾1,000萬元喎。