政情：陳榮恩肩膊損傷 治療靠小巴車長

時近中秋，陳榮恩為應付街坊派月餅活動，搬搬抬抬比較操勞。日前佢喺社交平台貼文話肩膊痛得要命，而幫佢紓緩痛楚嘅人就係一位小巴車長。經常搭小巴尾班車嘅陳榮恩，不時同一位車長叔叔就社區工作而互相交流及慰問，對方亦會提出道路交通問題，冀陳榮恩向部門反映及要求改善，10年來兩人就係咁樣建立情誼同關係。而每當陳榮恩遇上唔妥或拉傷，樂於助人嘅車長叔叔都會幫佢鬆吓筋骨，希望有所紓緩。

陳榮恩又話，呢位小巴車長亦幫過唔少街坊醫治筋骨勞損。雖然無公開對方嘅身份，但佢話相信好多黃竹坑街坊都有坐過呢位小巴車長嘅車。